कॉ.आडम मास्तर यांच्या घरावर काँग्रेसच्या कार्यकर्त्यांकडून दगडफेक
संबंधितावर कडक कारवाई करण्याची आडम मास्तरांची केली मागणी …
प्रतिनिधी / सोलापूर व्हिजन न्युज,
सोलापूर, दि. १२ नोव्हेंबर – येथील बापूजी नगर येथे सोमवार (दि.११) रोजीच्या रात्री आठच्या सुमारास काँग्रेस पक्षाचे कार्यकर्ते कुरमेश बुगले विशाल बुगले, गणेश म्हेत्रे व अन्य कार्यकर्त्याकडून ज्येष्ठ नेते माजी आमदार कॉ.नरसय्या आडम मास्तर हे घरात नसताना त्यांच्या घरावर दगडफेक केली. त्यानंतर परिसरात काही काळ आता निर्माण झाला होता. मात्र पोलिसांनी तात्काळ परिस्थिती नियंत्रणात आणली.
यात घटनेची हकिकत अशी की, माकपचे कार्यकर्ते ॲड. अनिल वासम यांना या भागातील नगरसेविका कामिनी आडम यांनी फोनवर कळविले, असता अनिल वासम हे तात्काळ आडम मास्तर यांच्या घराजवळ तात्काळ पोहोचले. त्यावेळी येथे प्रचंड गोंधळ व बाचाबाची चालली होती. त्यावेळी यल्लप्पा भंडारी यांनी काँग्रेसच्या कार्यकर्त्यांना रोखण्याचा प्रयत्न केले. मात्र ते आक्रमकपणे येथे गोंधळ करत होते. अनिल वासम यांनी हस्तक्षेप करण्याचा प्रयत्न केला.
दरम्यान टोल फ्री ११२ या क्रमांकवर पोलिसांकडे तक्रार नोंदवल्यानंतर पोलिसांचा ताफा घटनास्थळी दाखल झाला. जेष्ठनेते आडम मास्तर यांच्या घरावर दगडफेक का ? केली अशी विचारणा केली असता धक्काबुक्की झाली. त्यामुळे माकपचे कार्यकर्ते आणि काँग्रेसचे कार्यकर्ते यांच्यात तणाव वाढला. सदरची हकीकत सदर बाजार पोलीस ठाण्यात भ्रमणध्वनी द्वारा कळविण्यात आल्यानंतर सदर बाजार पोलीस ठाण्याचे वरिष्ठ पोलीस निरीक्षक अजित लकडे यांनी तात्काळ येथे पोलिसांचा ताफा पाठवून परिस्थिती नियंत्रणात आणली.
संबंधितांवर कडक कारवाई व्हावी.
सदरची घटना निंदनीय अशोभनीय आहे. संबंधितावर कडक कारवाई करण्याचे काम सुरू केले. त्यावर जेष्ठ नेते मास्तर यांना ही बाब समजताच प्रचंड संतापले माझ्या जीवाला धोका असून समाजामध्ये असे उपद्रव करणाऱ्या लोकांवर कडक कारवाई करण्यात यावी.
– नरसय्या आडम मास्तर, उमेदवार शहर मध्य विधानसभा.