मारवाडी युवा मंच, महिला शाखेचा कौतुकास्पद उपक्रम : वृक्षांची मिरवणूक काढत पर्यावरण रक्षणाचा दिला संदेश
सोलापूर दिनांक
चक्क ढोल ताशांच्या गजरात देशी झाडांची मिरवणूक काढून ५१ वृक्षारोपण करण्याचा उपक्रम मारवाडी युवा मंच महिला शाखेने रविवारी राबविला. निमित्त होते महेश नवमीचे हा पर्यावरण रक्षणाचा संदेश देणारा कौतुकास्पद उपक्रम करण्यात आला. श्री रूपाभवानी चौकातील हुतात्मा श्री किसन सारडा स्मारकापासून झाडांच्या या मिरवणुकीस प्रारंभ झाला. ढोल ताशे वाजवत हि मिरवणूक परिसरातून नेऊन पुन्हा ही मिरवणूक हुतात्मा श्री किसन सारडा स्मारक येथे आली. यावेळी वृक्षारोपन माजी पालकमंत्री आमदार विजय देशमुख, यांच्याहस्ते करण्यात आले. यावेळी करंज, चिंच, कडुनिंब, आवळा अशा देशी झाडांचे रोपण करण्यात आले. याप्रंसगी माजी सभागृह नेता संजय कोळी ब्रिजमोहन फोफलिया, राजकुमार पाटील यांच्या प्रमुख उपस्थितीत कार्यक्रम संपन्न झाला. संयोजक श्रीनिवास दायमा यांनी आपल्या वडिलांच्या स्मरणार्थ दिलेल्या विंधन विहिरीचे उद्घाटनही आमदार विजय देशमुख मालक यांच्याहस्ते करण्यात आले..या कार्यक्रमास संयोजक श्रीनिवास दायमा, गिरीष फोफलिया, राकेश सोनी, मारवाडी युवा मंचचे अध्यक्ष आशिष उपाध्ये, सचिव कृष्णा झंवर, सोलापूर जिल्हा माहेश्वरी युवा संघटनेचे अध्यक्ष विठ्ठल काबरा, सचिव कल्पेश हरकुट, मारवाडी युवा मंच महिला शाखेच्या अध्यक्षा सुनिता बजाज, सचिवा शैला सोमाणी आदी उपस्थित होते.