चलो निलम नगर नवदुर्गा माता मंदिर…!
तेलगू भाषिक महिलांच्या समस्यांचे होणार निराकरण – श्रीनिवास संगा
तेलुगू भाषिक एकता संघर्ष समितीच्या वतीने महिलांचा भव्य मेळावा…!
प्रतिनिधी / सोलापूर व्हिजन न्युज,
सोलापूर , दि. १९ सप्टेंबर – सोलापूर शहर जिल्ह्यातील तेलुगू भाषिक अल्पसंख्यांकांना विविध समस्यांना सामोरे जावे लागत आहे. त्यांच्या विविध अडीअडचणी सोडवण्यासाठी तसेच तेलगू भाषिक महिलांच्या विविध विविध प्रश्नांवर आणि समस्यांवर सर्व तेलुगू महिला एकत्रित येऊन चर्चा करणे गरजेचे आहे, यामुळे तेलगू भाषिक एकता संघर्ष समितीच्या वतीने नवोपक्रमातून हा मेळावा आयोजित करण्यात आला आहे.
दरम्यान सोलापूर शहर जिल्ह्यातील तमाम तेलुगू भाषिक महिलांनी या मेळाव्यास उपस्थिती दर्शवून सहभाग नोंदवावा तसेच आपल्या समस्यांचे निराकरण करावे असे आवाहन, समितीच्या वतीने अध्यक्ष श्रीनिवास संगा यांनी केले आहे. सदरचा मेळावा शुक्रवार दि.२० सप्टेंबर रोजी सकाळी १० वाजता नीलम नगर येथील नवदुर्गा माता मंदिर संपन्न होणार आहे. चला सर्व तेलगू भाषिक एकत्र येऊया आपली ताकद दाखवूया…
नेहमीच समाजातील समस्या सोडवण्यासाठी प्रयत्नशील
सोलापूर शहर जिल्ह्यात तेलगू भाषिक समाज मोठ्या प्रमाणात आहे. त्यांच्या विविध समस्यांचे निराकरण होणे गरजेचे. इतर गावाहून सोलापुरात स्थायिक झालेल्या तेलुगू भाषिक समाजाला विविध समस्यांना सामोरे जावे लागत आहे. विशेषतः महिला वर्गामध्ये याचे प्रमाण जास्त आहे. तेलगू भाषिक असल्याने विविध शासकीय कामे करताना अडथळे निर्माण होतात. त्यांचे निराकरण या माध्यमातून करण्याचा प्रयत्न आहे.
– श्रीनिवास संगा , अध्यक्ष तेलगू भाषिक एकता संघर्ष समिती सोलापूर.