सोलापूर ग्रामीण स्थानिक गुन्हे शाखेच्या पोलिसांची दमदार कामगिरी……!
पुणे व सोलापूर जिल्ह्यातील ४ आरोपींना अटक करत ६२ किलो गांजा केला हस्तगत..
प्रतिनिधी / सोलापूर व्हिजन न्युज,
सोलापूर दि. १८ सप्टेंबर – सोलापूर जिल्ह्याला कर्नाटक, तेलंगणा या राज्यांची सीमा लागून असल्याने या राज्यातून महाराष्ट्र राज्यात प्रवेश करण्यासाठी सोलापूर जिल्ह्यातील महत्वाचे मार्ग आहेत. या मार्गावरून देशाच्या पूर्व व दक्षीण भागातील राज्यातून प्रतिबंधीत पदार्थ ” गांजा” याची छुप्या पध्दतीने वाहतूक होत असल्याचाबत, सोलापूर ग्रामीण , स्थानिक गुन्हे शाखा पोलीस निरीक्षक, सुरेश निंबाळकर यांना माहिती प्राप्त होती. त्यावरून पोनि सुरेश निंबाळकर यांनी तपास पथकातील पोलीस अधिकारी व अंमलदार यांची बैठक घेवून प्रतिबंधीत पदार्थ “गांजा” याचेवर कारवाई करण्यास आदेशीत केले होते.
दरम्यान त्यानुसार सुरज निबांळकर, पोलीस उपनिरीक्षक, स्था.गु.शा. यांचे पथक या मार्गावर होणारे गांज्याच्या वाहतूकीवर लक्ष ठेवून होते. त्यामध्येच दि.१६.०९.२०२४ रोजी पोहेकॉ/४२५ विजयकुमार भरले यांना वैराग पोलीस ठाणेच्या हद्दीतून तुळजापूर ते बार्शी रोडने इनोव्हा कारमधून गांजा वाहतूक होत असल्याबाबत खात्रीशीर माहिती मिळाली होती. त्यावरून पोनि सुरेश निंबाळकर, सपोनि विजय शिंदे व पोउपनि सुरज निंबाळकर यांनी पथकासह आवश्यक ती सर्व कार्यवाही केली. त्यावरून दिनांक १६.०९.२०२४ रोजी हे सापळा पथक हे मीजे गौडगाव गावचे शिवारात सापळा लावून थांबले होते. त्यावरून वेळ १८.३० वा. च्या सुमारास तुळजापूरकडून गौडगावकडे बातमीतील नमूद वर्णनाची इनोव्हा येत असल्याचे दिसून आले. त्यावेळी सापळा पथकाने सदरची इनोव्हा कार आडवली. त्यामध्ये एकूण ४ इसम मिळून आले तसेच इनोव्हाच्या कारच्या मागील सीटवर दोन पांढरे रंगाचे पोत्यामध्ये ६२ किलो १३५ ग्रॅम गांजा, ६ मोबाईल, इनोव्हा कार असा एकूण ३०,०४,७००/- रूपयांचा मुद्देमाल मिळून आला आहे.
सदरचा मुद्देमाल हा पंचनामा करून ताब्यात घेतला आहे. सदरबाबत वैराग पोलीस ठाणेस गुंगीकारक औषधी द्रव्य आणि मनोव्यापारावर परिणाम करणारे पदार्थ अधिनियमचे कलम ८(क) व २०(ब), ii(क), २९ प्रमाणे गुन्हा दाखल करण्यात आला आहे. त्याचा पुढील तपास सुरज निबांळकर, स्था.गु.शा हे करीत असून आरोपींची दि. २१.०९.२०२४ रोजी पर्यंत पोलीस कस्टडी रिमांड मंजूर आहे. सदरची कामगिरी ही अतुल कुलकर्णी, पोलीस अधीक्षक, सोलापूर ग्रामीण, प्रितम यावलकर, अपर पोलीस अधीक्षक, सोलापूर ग्रामीण यांच्या मार्गदर्शनाखाली सुरेश निंबाळकर, पोनि, स्था.गु.शा. यांचेसह सपोनि विजय शिंदे, पोउपनि सुरज निंबाळकर, श्रेणी पोउपनि राजेश गावकावाड, श्रीकांत गायकवाड, सहा. फौजदार निलकंठ जाधवर, पोह विजयकुमार भरले, सलीम बागवान, हरिदास पांढरे, जयवंत सादुल, युसुफ पठाण, पोना धनराज गायकवाड, व्यंकटेश मोरे, पोकों समर्थ गाजरे, यश देवकते, विनायक घोरपडे, सुरज रामगुडे, मनोज राठोड, चापोकों राजेंद्र गवेकर, अशोक हलसंगी, सतीश बुरकुल यांनी पार पाडली आहे.