प्रभाग २२ येथे ड्रेनेज लाईन कामाचे उद्घाटन…!
प्रतिनिधी / सोलापूर व्हिजन न्युज,
सोलापूर, दि.१८ मे
राष्ट्रवादी काँग्रेस पार्टीचे राष्ट्रीय अध्यक्ष तथा राज्याचे उपमुख्यमंत्री अजित पवार, प्रदेशाध्यक्ष तथा खासदार सुनील तटकरे यांच्या सहकार्यातून राष्ट्रवादी काँग्रेस पार्टीचे प्रदेश उपाध्यक्ष किसन जाधव आणि नगरसेवक नागेश गायकवाड यांच्या विशेष प्रयत्नातून प्रभाग क्रमांक २२ मधील रेवणसिद्धेश्वर नगर झोपडपट्टी येथे सोलापूर महानगरपालिका सुवर्ण जयंती नगरोत्थान अभियान (जिल्हास्तर) २०२३-२४ या अंतर्गत २ लाख ८१ हजार ८२० रुपये खर्चित ड्रेनेज लाईन कामाचे उद्घाटन करण्यात आले. दरम्यान, सदरच्या ड्रेनेज कामामुळे परिसरातील आरोग्य आणि स्वच्छता निश्चितच सुधारणार असल्याची माहिती माजी नगरसेवक किसन जाधव यांनी यावेळी दिली.
याप्रसंगी राष्ट्रवादी काँग्रेस पार्टी प्रदेश युवक सरचिटणीस चेतन नागेश गायकवाड,शिवाजी सुरवसे, सिद्धाराम पवार,अफजल पठाण,फिरोज पठाण, मल्लू जाधव,अविनाश मुकरंबे,चेतन सुरवसे, राहुल हत्ती,सुमित खानापुरे,यशवंत माळगे आदींच्या उपस्थिती होती.