हद्दवाढ भागातील विकासासाठी प्रयत्न करणार :- चेतन नरोटे..
प्रतिनिधी / सोलापूर व्हिजन न्युज,
सोलापूर, दि.११ नोव्हेंबर – सोलापूर शहर मध्य विधानसभा मतदारसंघातील महाविकास आघाडीचे उमेदवार चेतन पंडित नरोटे यांच्या प्रचारार्थ प्रभाग १८ व २० मधील जनतेच्या सहकार्याने स्वागत नगर भीमाशंकर टेकाळे यांच्या घरापासून भव्य पदयात्रेला सुरुवात करून नागेंद्र नगर विनू गोपाल नगर न्यू आनंद नगर प्रतिभा नगर गुरुनाथ नगर मुमताज नगर लता देवी नगर जय हनुमान नगर मार्कंडे नगर कुमठा नाका संजय नगर लक्ष्मी हौसिंग सोसायटी अंत्रोळीकर नगर राहुल हाउसिंग सोसायटी येथे समारोप करण्यात आले.
यावेळी चेतन नरोटे म्हणाले की, हद्दवाढ भागातील आणि मतदारसंघातील जनतेच्या अडी-अडचणी सोडवण्यासाठी मी सदैव कटिबद्ध असून पदयात्रेदरम्यान मिळालेला प्रतिसाद जनसेवा करण्यासाठी मला प्रोत्साहन देत आहे. पदयात्रेत सहभागी होऊन मला साथ देणाऱ्या प्रभाग १९ मधील नगर वासीयांचे आभार मानले.
या पदयात्रेत माजी आमदार प्रकाश यलगुलवार, मा. नगरसेवक प्रवीण निकाळजे, रियाज हुंडेकरी, अनुराधा काटकर, विनोद भोसले, भीमाशंकर टेकाळे, सुदीप चाकोते, गणेश डोंगरे, प्रमिला तूपलवंडे श्रीधर काटकर यांच्यासह प्रभागातील नागरिक व पदाधिकारी कार्यकर्ते हजारोंच्या संख्येने सहभागी झाले होते.
