सोनी नगर दर्ग्यात चादर अर्पण करून रस्ता काँक्रीटीकरण कामाचा शुभारंभ
सोलापूर व्हिजन न्युज,
सोलापूर दि.४ नोव्हेंबर
सोलापूर महानगरपालिका प्रभाग क्र. २२ मध्ये विकासाची नवी वाटचाल सुरू झाली आहे. सोलापूर महापालिकेचे माजी गटनेते व राष्ट्रवादी काँग्रेस (अजित पवार गट) चे प्रदेश उपाध्यक्ष तसेच प्रभाग क्र. २२ चे माजी नगरसेवक किसन जाधव आणि नागेश गायकवाड यांच्या पुढाकाराने लोकशाहीर अण्णाभाऊ साठे नागरी वस्ती सुधारणा योजना अंतर्गत सोनी नगर परिसर ते सय्यद बुखारी बाबा दर्गा या रस्त्याच्या काँक्रीटीकरण कामाचे उद्घाटन करण्यात आले.
या कामासाठी सन २०२४-२५ या हेड अंतर्गत १६ लाख २० हजार ४४९ रुपये खर्च करण्यात येणार असून, रस्ते विकासाबरोबरच नागरिकांना दर्जेदार सुविधा उपलब्ध करून देण्याचा संकल्प यावेळी घेण्यात आला.
यावेळी सोनी नगर हुडको येथील हजरत सय्यद जलालोद्दीन बुखारी बाबा दर्गा येथे चादर अर्पण करून धार्मिक एकतेचा संदेश देण्यात आला. याप्रसंगी नगरसेवक किसन जाधव म्हणाले, विकासकामे केवळ रस्ते आणि गटारापुरती मर्यादित नसून प्रभागातील सर्वसमावेशक विकासासाठी आम्ही प्रयत्नशील आहोत. सर्व समाजघटकांचा सहभाग हेच आमचे बळ आहे. त्यांनी सांगितले की, शैक्षणिक, आरोग्य, क्रीडा आणि नागरिकांच्या मूलभूत सुविधांच्या उभारणीसाठीही सातत्याने काम सुरू आहे.प्रभागातील नागरिकांनी या विकासकामाचे स्वागत करत नगरसेवक किसन जाधव आणि नागेश गायकवाड यांचे आभार मानले.
कार्यक्रमास राष्ट्रवादी काँग्रेस पार्टीचे प्रदेश युवक सरचिटणीस चेतन नागेश गायकवाड, राज मुजावर, सुलेमान मुजावर, सय्यद मुजावर, बाबुलाल मुजावर, हाजी भाई मस्तान मुजावर, अमीन मुजावर, आसिफ मुजावर, सूफियान मुजावर, मौलाना हुसेन साब,मौला चिंचोळकर, शरीफ पटेल, मेहबूब शेख अजीम सय्यद महंमद शेख अमिन शेख हुसेन शेख सूफियान शेख, संजय भडंगे, विश्वनाथ जाधव,किसन माने,सरफराज सय्यद ,फिरोज पठाण, माणिक कांबळे, वसत कांबळे, महादेव राठोड, आनंद गाडेकर, आदी मान्यवर उपस्थित होते.