थोरला मंगळवेढा तालीम तर्फे शिवजन्मोत्सव निमित्त २५ हजार शिवप्रेमींना शिवभोजन – अमोल बापू शिंदे
प्रतिनिधी / सोलापूर व्हिजन न्युज,
सोलापूर, दि.१७ फेब्रुवारी
महाराष्ट्राचे आराध्य दैवत छत्रपती शिवाजी महाराज यांच्या जयंती सर्वत्र मोठ्या उत्साहात साजरी होणार आहे. अनेक मंडळाची विविध उपक्रमाचे आयोजन केले आहे. सोलापूर शहरात छत्रपती शिवाजी महाराज यांची जयंती मोठ्या प्रमाणात साजरी होते.
शिवजन्मोत्सव निमित्त शिवभक्तांसाठी आणि बंदोबस्तासाठी असणाऱ्या पोलीस बांधवांसाठी तसेच शहर जिल्हयातून येणाऱ्या शिवप्रेमीसाठी पंचेवीस हजार शिवभक्तांसाठी शिवभोजनाचे आयोजन थोरला मंगळवेढा तालीम मंडळातर्फे करण्यात आलं आहे. शिवजयंतीच्या सोलापूर शहरात भव्य मिरवणुका निघतात शहरातील हॉटेल बंद असतात मिरवणूक पाहण्यासाठी आलेल्या शहर आणि जिल्ह्यातील शिवप्रेमींची गैरसोय होते.हे लक्षात घेऊन मिरवणुकीस फाटा देऊन छत्रपती शिवाजी महाराजांच्या चरणी शिवभक्तांना पोटभर जेवण देऊन शिवभक्तांना तृप्त करण्याचा उपक्रम थोरला मंगळवेढा तालमीच्या वतीने मागील अनेक वर्षापासून सुरु आहे.
दरम्यान, सुरवातीस पाच हजार, सात हजार नंतर अकरा हजार, पंधरा हजार, एकवीस हजार शिवभक्तांनी भोजनाचा आस्वाद घेतला. या उपक्रमाचे संपूर्ण महाराष्ट्रभर कौतुक झालं आहे. मिरवणुक बंदोबस्तासाठी असलेल्या पोलीस बांधवांची जेवणाची होणारी तारांबळ लक्षात घेऊन पोलीस बांधवांसाठी स्वतंत्र व्यवस्था आहे. महिला तसेच लहान बालकासाठी स्वतंत्र व्यवस्था आयोजकांकडून करण्यात आली आहे.
१९ फेब्रुवारी रोजी सायंकाळी सहा ते रात्री बारा वाजेपर्यंत हा उपक्रम छत्रपती शिवाजी महाराज चौकातील यात्री कॉटेज येथे बाजी आण्णा मठाजवळ टेबल खुर्चीवर शिवभोजन होणार आहे. सर्व शिव भक्तांनी याचा लाभ घ्यावा या वर्षी पंचेवीस हजार शिवभक्तांना भोजन देण्याचा संकल्प असल्याची माहिती थोरला मंगळवेढा तालमीचे आधारस्तंभ शिवसेना जिल्हाप्रमुख अमोल शिंदे यांनी पत्रकार परिषदेत दिली. कुशल संघटक संकेत पिसे, अमोलराजे भोसले, अनिकेत पिसे व थोरला मंगळवेढा तालीमचे पदाधिकारी आणि कार्यकर्ते यांच्या नियोजनात हा उपक्रम होणार आहे.
शिवभोजन कार्यक्रमाचं उदघाटन पोलिस आयुक्त एम. राजकुमार यांच्या हस्ते शिवपुजन करून करण्यात येईल. याप्रसंगी, सोलापूर महानगरपालिका आयुक्त शीतल तेली उगले, पोलिस उपायुक्त विजय कबाडे, शिवसेना संपर्क प्रमुख प्रा. शिवाजीराव सावंत, अक्कलकोट अन्नछत्र मंडळाचे जन्मेजयराजे भोसले, बिपीन पटेल, राजा सरवदे, महेशजी गादेकर, दास शेळके, शहाजी पवार, नरेंद्र काळे, चेतन नरोटे यांच्यासह शहरातील मान्यवर तसेच अधिकारी यांच्या उपस्थितीत हा कायक्रम संपन्न होणार आहे.