श्रीरूपाभवानी मंदिरात गुरुवारी घटस्थापना !
दररोज संपन्न होणार नित्तोपचार पूजा आणि छबिना..
प्रतिनिधी / सोलापूर व्हिजन न्युज,
सोलापूर, दि.२९ सप्टेंबर – सोलापूरची कुलस्वामिनी श्रीरूपाभवानी मंदिरात प्रतिवर्षाप्रमाणे ३ ते १७ ऑक्टोबर याकालावधीत विविध धार्मिक कार्यक्रमांचे आयोजन केल्याची माहिती मंदिराचे ट्रस्टी, वहिवाटदार व पुजारी मल्लिनाथ मसरे यांनी पत्रकार परिषदेत दिली.
यात्रा कालावधीत दररोज रात्री देवीची वेगवेगळ्या वाहनांवरून छबिना काढण्यात येणार असून धार्मिक कार्यक्रम आणि भाविकांच्या दर्शनाची सर्व तयारी झाल्याचे त्यांनी सांगितले. गुरुवार (दि. ३) ऑक्टोबर रोजी सकाळी १२:१५ वाजता मंदिरात घटस्थापना करण्यात येणार असून दररोज देवीची नित्योपचार पूजा व रात्री छबिना निघणार आहे. तसेच सोमवार (दि.७) ऑक्टोबर रोजी ललिता पंचमी असून सायंकाळी ५ वाजता कुंकुमार्चनाचा कार्यक्रम होणार आहे.
शुक्रवार (दी.११) रोजी ऑक्टोबर दुर्गाष्टमी अलंकार महापूजा असून रात्री ७ वाजता मसरे यांच्या घरातून दहीहंडीची मिरवणूक निघणार आहे. रात्री देवीची महापूजा करून छबिना काढण्यात येणार आहे. शुक्रवार (दि.१२) ऑक्टोबर रोजी विजयादशमी म्हणजेच दसरा असून सकाळी अलंकार महापूजा होऊन सायंकाळी पाच वाजता श्रीरुपाभवानी मातेचा पालखी सोहळा सीमोल्लंघनासाठी मंदिरापासून वाजत-गाजत प्रस्थान होणार आहे. पालखीतून श्री रुपाभवानी माता सीमोल्लंघनासाठी निघणार असून पार्क मैदानावरील शमीच्या वृक्षाला प्रदक्षिणा घालण्यात येणार आहे.
येथे सीमोल्लंघन पार पडल्यानंतर रात्री उशिरा पुन्हा पालखी सोहळा मंदिराकडे प्रस्थान होईल. बुधवार (दि.१६) ऑक्टोबर रोजी कोजागरी पौर्णिमेनिमित्त श्रीदेवीची महापूजा दूधप्रसाद वाटप करण्यात येणार आहे. गुरुवार (दि.१७) ऑक्टोबर रोजी सकाळी पौर्णिमेनिमित्त देवीची अलंकार महापूजा व रात्री छबिना काढण्यात येणार असून नवरात्रौत्सवाची सांगता करण्यात होणार आहे.
या पत्रकार परिषदेस सुनील मसरे, अनिल मसरे, श्रीसिद्धेश्वर बँकेचे माजी चेअरमन प्रकाश वाले, सुधीर थोबडे राजशेखर हिरेहब्बु, बाळासाहेब मुस्तारे, सोमनाथ मेंगाणे, संदेश भोगडे, मनीष मसरे, सारंग मसरे, प्रतीक मसरे आदी उपस्थित होते.
दर्शनासाठी महिला व पुरुषांच्या स्वतंत्र रांगेची व्यवस्था..
महाराष्ट्राची कुलस्वामिनी आई तुळजाभवानी मातेचे प्रतिरूप असलेल्या श्री रूपाभवानी देवीच्या दर्शनासाठी नवरात्रौत्सवात हजारो महिला भाविक मंदिरात दर्शनासाठी येतात. पोलीस आयुक्त एम राजकुमार यांच्या मार्गदर्शनाखाली महिला व पुरुषांसाठी दर्शनासाठी स्वतंत्र रांगेची व्यवस्था करण्यात आली आहे. आरोग्य शिबिरही ठेवण्यात आले आहे. दर्शनासाठी येताना महिलांनी आपली दाग-दागिने सांभाळावेत, लहान मुलांना गर्दीत सोडू नये,
– मल्लिनाथ मसरे, ट्रस्टी, वहिवाटदार व पुजारी श्री रुपाभवानी मंदिर.