शरद पवारांचा दौरा रद्द ! असे होणार पूर्णाकृती पुतळ्याचे अनावरण 
प्रतिनिधी / सोलापूर व्हिजन न्युज,
सोलापूर, दि.११ एप्रिल
राष्ट्रवादी काँग्रेस पार्टीचे सर्वेसर्वा माजी केंद्रीय मंत्री शरद पवार शरद पवार हे सोलापूरला मुक्कामी येणार असल्याने राजकीय वर्तुळात उत्सुकता निर्माण झाली होती. नेहरूनगर येथे शिक्षणमहर्षी चंद्राम चव्हाण गुरुजी यांच्या पूर्णाकृती पुतळ्याचे अनावरण त्यांच्या हस्ते होणार होते. या कार्यक्रमाची जय्यत तयारी करण्यात आली आहे.
शरद पवार यांचा सोलापूर दौरा अचानक रद्द झाल्याने शरद पवार यांचे सातारा जिल्ह्यात कार्यक्रम वाढले आहेत. त्यामुळे त्यांना थांबावे लागणार असून ते सोलापूरच्या कार्यक्रमाला ऑनलाईन पद्धतीने उपस्थित राहून पुतळा अनावरण करणार असल्याचे राष्ट्रवादी शरद पवार पक्षाच्यावतीने सांगण्याचा आले आहे.
दरम्यान आज झालेल्या पक्षाच्या बैठकीत याला दुजोरा मिळाला. सातारा जिल्ह्यात शरद पवार यांचे कार्यक्रम वाढले आहेत. त्यामुळे नियोजित कार्यक्रमास शरद पवार यांची मोठी धावपळ होणार आहे. तब्येतीच्या कारणास्तव सदरचा दौरा रद्द करण्यात आल्याची माहिती या बैठकीच्या माध्यमातून सूत्रांकडून सांगण्यात आली. ऑनलाइन पद्धतीने जरी अनावरण सोहळा संपन्न होणार असला तरी, देशाचे नेते माजी केंद्रीय मंत्री शरद पवार हे काय बोलतील याकडे सर्वांचे नाजरा लागलेल्या आहेत.
मात्र या कार्यक्रमाला कार्यक्रमाला माजी केंद्रीय गृहमंत्री सुशीलकुमार शिंदे, राज्याचे जलसंधारण मंत्री संजय राठोड या मान्यवरांची उपस्थिती राहणार आहे.