मूलभूत सुविधायुक्त प्रभागाचा चौफेर विकास – किसन जाधव
प्रभाग २२ येथे रस्ता कॉंक्रिटीकरण कामाचे शुभारंभ
प्रतिनिधी / सोलापूर व्हिजन न्युज,
सोलापूर, दी.२४ जानेवारी
सोलापूर शहरातील प्रभाग क्रमांक २२ येथे लोकशाहीर अण्णाभाऊसाठे नागरी वस्ती सुधारणा योजना अंतर्गत सन २०२३-२४ या हेड अंतर्गत मंजुनाथ नगर डायमंड बेकरी ते गायकवाड घरापर्यंत रस्ता कॉंक्रिटीकरण कामाचे उद्घाटन करण्यात आले.
यावेळी प्रभागातील नागरिकांना मूलभूत सुविधा उपलब्ध व्हाव्यात यासाठी सोलापूर महानगरपालिका तसेच राज्यस्तरीय विविध शासकीय योजना अंतर्गत सर्वाधिक निधी खेचून आणून प्रभाग क्रमांक २२ चा चौफेर विकास साधला असल्याचे मनोगत राष्ट्रवादी काँग्रेस पार्टीचे प्रदेश उपाध्यक्ष तथा जिल्हा नियोजन समितीचे विशेष निमंत्रित सदस्य किसन जाधव यांनी व्यक्त केलं.
प्रभाग क्रमांक २२ चा वाढता विस्तार पाहता येतील स्थानिक रहिवाशांच्या मागणीनुसार प्रभागात विकासकामे केली. स्थानिक रहिवाशांच्या गरजा पूर्ण करण्यासाठी महापालिका आणि राज्य सरकारकडून निधी खेचून आणून प्रभागाचा चौफेर विकास साधला. या पुढील काळात नागरिकांना अत्याधुनिक सोयी सुविधा पुरवण्याचा मानस असल्याचेही यावेळी जाधव म्हणाले. तसेच या भागात नागरिकांना मूलभूत सुविधा पुरवण्यासाठी राष्ट्रवादी काँग्रेस पार्टीचे राष्ट्रीय अध्यक्ष तथा महाराष्ट्र राज्याचे उपमुख्यमंत्री अजित पवार आणि प्रदेशाध्यक्ष तथा खासदार सुनील तटकरे याचे प्रभाग क्रमांक २२ च्या सर्वांगीण विकासासाठी विशेष सहकार्य लाभलं असल्याचेही यावेळी किसन जाधव यांनी सांगितले. दरम्यान नगरसेवक नागेश गायकवाड आणि किसन जाधव यांच्या माध्यमातून या भागात विकासाचे कामे पूर्ण होत असल्याने येथील स्थानिक नागरिकांनी नगरसेवक गायकवाड आणि जाधव यांचे आभार मानले.
याप्रसंगी प्रदेश युवक सरचिटणीस चेतन नागेश गायकवाड, हरिदास गायकवाड, बापु जाधव, मागगुबाई विठ्ठल जाधव,अश्र्विनी अवि गायकवाड,छाया गायकवाड, विजय गुरव, यांच्यासह प्रभागातील नागरिकांचे उपस्थिती होती.