विष्णू महेश प्रतिष्ठानच्या माध्यमातून रुग्णसेवा करण्याचा निश्चय – प्रथमेश कोठे
गोरगरीबांच्या अडचणीच्या काळात ढाल बनून उभे राहण्याचा व्यक्त केला मानस
प्रतिनिधी / सोलापूर व्हिजन न्युज,
सोलापूर, दि.१७ मार्च
स्व.महेश कोठे यांची १ एप्रिल रोजी जयंती असून त्यानिमित्ताने सुशील रसिक सभागृह येथे स्व महेश कोठे आणि कोठे परिवारावर प्रेम करणाऱ्या सदस्यांची बैठक पार पडली. यावेळी प्रथमेश कोठे, पद्माकर काळे, सुरेश पाटील, अशोक निंबर्गी, बिज्जू प्रधाने, उमेश गायकवाड, रमेश यन्नम, गुरूषांत धुत्तरगावकर, विनायक कोंड्याल, चंद्रकांत पवार, अक्षय वाकसे, ज्ञानेश्वर सपाटे, युवराज सरवदे यांच्यासह सर्वपक्षीय नेते मंडळी उपस्थित होते. आमदार देवेंद्र कोठे हे मुंबई येथे अधिवेशन असल्याने त्यांनी व्हिडिओ कॉन्फरन्सद्वारे बैठकीत सहभाग घेतला. यावेळी देवेंद्र कोठे यांनी स्व महेश कोठे यांच्या ६१ व्या जयंती निमित्त ६१ ठिकाणी पाणपोई सुरू करणार असल्याचे सांगितले.
दरम्यान बैठकीत प्रथमेश कोठे यांनी यावेळी विष्णू महेश प्रतिष्ठान सुरू करणार असल्याची घोषणा केली. याप्रतिष्ठानच्या माध्यमातून गोरगरीब रुग्णांना आर्थिक मदत करणार असल्याचे सांगितले, तर गोरगरीब जनतेच्या अडचणीच्या काळात त्यांच्यासमोर ढाल बनून उभा राहीन अशी ग्वाही दिली. त्याच पद्धतीने सुरेश पाटील यांनी स्व महेश कोठे यांच्या जयंती निमित्त शालेय साहित्य वाटप, यासह विविध उपक्रमांनी महेश कोठे यांची जयंती साजरी करण्याचेआवाहन केले, अक्षय वाकसे यांनी ६१ ठिकाणी वृक्षारोपण करणार असल्याचे सांगितले तर युवराज सरवदे यांनी ६१ कुटुंबाना धान्य वाटप करणार असल्याचे सांगितले. यावेळी स्व महेश कोठे आणि कोठे परिवारावर प्रेम करणारे असंख्य कार्यकर्ते उपस्थित होते.
विष्णू महेश प्रतिष्ठानची घोषणा
स्वर्गीय महेश कोठे यांच्या निधनानंतर सामाजिक राजकीय अशा विविध क्षेत्रात मोठी पोकळी निर्माण झाली आहे. सदरची पोकळी भरून काढण्यासाठी विष्णू महेश प्रतिष्ठानच्या माध्यमातून गोरगरीब जनतेसाठी कामकाज केले जाईल. गरजू तसेच गोरगरीब जनतेच्या अडीअडचणीच्या काळामध्ये आर्थिक, शैक्षणिक अशा विविध पद्धतीने मदत केली जाईल.
प्रथमेश कोठे, माजी नगरसेवक