राष्ट्रवादी प्रदेशाध्यक्ष तटकरेंच्या उपस्थितीत उद्या राष्ट्रवादीचा मेळावा…
सोलापूर व्हिजन प्रतिनिधी
सोलापूर, दि.२० जुलै
आगामी महापालिका व जिल्हा परिषद निवडणुकीच्या अनुषंगाने पक्ष संघटन वाढीसाठी राष्ट्रवादी काँग्रेस अजित पवार गटाचे प्रदेशाध्यक्ष, खासदार सुनील तटकरे यांच्या उपस्थितीत सोमवार, दि. २१ जुलै रोजी दुपारी २ वाजता हुतात्मा स्मृती मंदिरात शहरातील पदाधिकारी व कार्यकर्त्यांचा मेळावा आयोजित करण्यात आला असल्याची माहिती राष्ट्रवादीचे शहराध्यक्ष संतोष पवार व कार्याध्यक्ष जुबेर बागवान यांनी शनिवारी राष्ट्रवादी भवनात आयोजित पत्रकार परिषदेत दिली.
या मेळाव्यात अन्य पक्षातील काही पदाधिकाऱ्यांचा पक्ष प्रवेशही होणार आहे. आगामी महापालिका निवडणूक आम्ही महायुती म्हणूनच लढणार असून, जास्तीत जास्त जागा निवडून आणण्यासाठी आम चा प्रयत्न राहणार असल्याचे पवार व बागवान यांनी यावेळी सांगितले. यावेळी व्यासपीठावर शहर जिल्हाध्यक्ष संतोष पवार, कार्याध्यक्ष जुबेर बागवान, जेष्ठ नेते चंद्रकांत दायमा, हेमंत चौधरी, माजी परिवहन समिती सभापती आनंद मुस्तारे, महिला आघाडी प्रदेश सरचिटणीस सायरा शेख, कार्याध्यक्ष चित्रा कदम, युवक अध्यक्ष सुहास कदम, सेवादल विभाग अध्यक्ष प्रकाश जाधव, अल्पसंख्याक विभाग अध्यक्ष अमीर शेख, कार्याध्यक्ष संजीव मोरे, विद्यार्थी अध्यक्ष अनिकेतव्हसुरे, दिव्यांग सेल विभाग अध्यक्ष एम एम इटकळे, सहकार सेल विभाग अध्यक्ष भास्कर आडकी, शहर सचिव दत्तात्रय बनसोडे, मौला शेख, वाहतूक सेल विभाग अध्यक्ष इरफान शेख, वैद्यकीय मदत कक्ष प्रमुख बसवराज कोळी, सामाजिक न्याय विभाग अध्यक्ष अनिल बनसोडे, सोशल मीडिया शहराध्यक्ष वैभव गंगणे, कार्याध्यक्ष सोमनाथ शिंदे, मध्य विधानसभा अध्यक्ष अल्मेहराज आबादीराजे, अल्पसंख्याक विभाग जनरल सेक्रेटरी अशपाक कुरेशी, दक्षिण विधानसभा अध्यक्ष अशपाक कुरेशी, शहर उत्तर विधानसभा अध्यक्ष मनोज शेरला, संघटक प्रकाश झाडबुके, शकील शेख अनिस शेख, निशांत तारानाईक, वाहतूक सेल उपाध्यक्ष हमीद बागवान, मुकेश चौधरी, सरदार फटफटवाले यांच्यासह प्रमुख पदाधिकारी कार्यकर्ते मोठ्या संख्येने उपस्थित होते.
जिल्ह्यात राष्ट्रवादी बळकटीसाठी खा. तटकरे यांचा महाराष्ट्र दौरा
आगामी स्थानिक स्वराज्य संस्था निवडणुका व जिल्हा परिषद निवडणुकांच्या अनुषंगाने पक्ष संघटन वाढीसाठी व येणाऱ्या काळात पक्षाचे नेते तथा राज्याचे उपमुख्यमंत्री अजित पवारांचे हात बळकट करण्यासाठी राष्ट्रवादी काँग्रेस पार्टीचे प्रदेशाध्यक्ष खासदार सुनील तटकरे हे महाराष्ट्र दौरा करत असून, त्याच पार्श्वभूमीवर सोमवारी ते सोलापूर दौऱ्यावर येतायत. त्यानिमित विविध कार्यक्रमांचे आयोजन करण्यात आले आहे.
संतोष पवार, राष्ट्रवादी शहराध्यक्ष (अजितदादा गट)