महापालिका आयुक्त डॉ. सचिन ओंबासे ऑन फिल्ड ; सहा कमान परिसरात सुरू असलेल्या नाल्याच्या कामाची केली पाहणी
सोलापूर व्हिजन न्युज,
प्रतिनिधी सोलापूर दि. १८ ऑक्टोबर
सोलापूर महानगरपालिकेच्या वतीने सहा कमान परिसरात सुरू असलेल्या नाल्याच्या कामाची महानगरपालिका आयुक्त डॉ. सचिन ओम्बासे यांनी प्रत्यक्ष पाहणी केली.या पाहणी दरम्यान उपायुक्त आशिष लोकरे, नगर अभियंता . सारिका आकुलवार, विभागीय अधिकारी जावेद पानगल तसेच संबंधित विभागाचे अधिकारी उपस्थित होते.
सहा कमान परिसरात ब्रिजच्या खालून सुरू होणाऱ्या नाल्याचे खोदकाम सुरू असून, या ठिकाणी नाल्याचा प्रवाह सुरळीत ठेवण्यासाठी आणि परिसरातील पाणी निचरा व्यवस्थित व्हावा यासाठी आयुक्त डॉ. ओम्बासे यांनी अधिकाऱ्यांना आवश्यक त्या सूचना दिल्या.तसेच नाल्याचे काम दर्जेदार व नियोजित पद्धतीने पूर्ण करण्याचे निर्देश देत त्यांनी कामाचा वेग वाढविण्याचेही आदेश दिले. नागरिकांना पावसाळ्यात अडचण निर्माण होऊ नये यासाठी सर्व संबंधित विभागांनी समन्वयाने काम करण्याचे आवाहन आयुक्त डॉ.ओम्बासे यांनी यावेळी केले.