सोलापूर महानगरपालिकेच्या आवारात कचरा टाको आंदोलन…
माजी नगरसेवक आनंद चंदनशिवे यांची आक्रमक भूमिका….
सोलापूर व्हिजन
सोलापूर दि २९ जून :- सोलापूर शहरातील कचरा संकलन करण्याचा देण्यात आलेल्या मक्तेदाराचा मक्ता रद्द करण्याबाबत अन्यथा आंदोलन करण्यात येईल असा इशारा माजी गटनेते आनंद चंदनशिवेे यांनी दिला. सोलापूर शहरातील सोलापूर महानगरपालिकेच्या घनकचरा विभागाच्या माध्यमातुन कचरा उचलण्याकरिता खाजगी मक्तेदारास मक्ता देण्यात आला आहे. परंतु सोलापूर शहरातील झोपडपट्टी भागामध्ये आणि बंगलो अपार्टमेंट अशा विविध ठिकाणचा कचरा घंटागाडीच्या माध्यमातुन उचलण्यात येतो. परंतु ज्या मक्तेदाराला हा मक्ता देण्यात आला आहे. त्या मक्तेदाराचे नियोजन शुन्य कारभार असल्यामुळे सोलापूर शहराच्या चारी बाजुने कचऱ्याच्या ढिगाऱ्याचे साम्राज्य निर्माण झाले आहे. सोलापूर महानगरपालिकेकडून मक्तेदारास जावई प्रमाणे पोसण्याचे काम चालू आहे. संबंधीत मक्तेदाराचा मक्ता रद्द करुन सोलापूर महानगरपालिकेतील आरोग्य निरीक्षकांना विश्वासात घेऊन व माहिती घेऊन सोलापूर महानगरपालिकेच्या माध्यमातुन कचरा संकलन करण्याचे काम व्हावे अन्यथा सोलापूर शहरातील कचरा उचलुन सोलापूर महानगरपालिकेच्या आवारात कचरा टाको आंदोलन करण्यात येईल असा इशारा चंदनशिवे यांनी दिला.
