भजनानंदाचे सुख प्राप्ती साठी शरीर निरोगी हवे-ह.भ.प.इंगळे महाराज…
श्री हेडगेवार रक्त पेढी सोलापूर व श्री संत सावता महाराज वारकरी मृदंग प्रशिक्षण संस्था संयुक्त विध्यमाने आरोग्य शिबीर संपन्न….
प्रतिनिधी / सोलापूर व्हिजन न्युज,
सोलापूर, दि.५ ऑक्टोंबर – वै.श्रीपती धर्मा जांभळे यांच्या ४३ व्या पुण्यस्मरणा निमित्ताने बळीराम जांभळे यांच्या निराळेवस्ती येथील निवासस्थानी श्री हेडगेवार रक्त पेढी सोलापूर व श्री संत सावता महाराज वारकरी मृदंग प्रशिक्षण संस्था संयुक्त विध्यमाने आरोग्य शिबीर संपन्न झाले. यावेळी धार्मिक कार्यक्रमसह सामाजिक उपक्रम घेण्यात आला. या शिबिराचे उदघाटन ह.भ.प.सुधाकर इंगळे महाराज, निमा संघटनेचे डाॕ.विनायक टेंभुर्णीकर,बळीराम जांभळे महाराज , प्रकाश कुलकर्णी ,मिलिंद फडके यांच्याहस्ते दिप प्रजवलन व श्रीराम प्रतिमेचे पुजन करुन संपन्न झाले. दरम्यान उद्घाटनाप्रसंगी डाॕ केशव बळीराम हेडगेवार यांच्या जन्मशताब्दीचे औचित्य साधुन डाॕ.हेडगेवार आरोग्य सेवा प्रकल्प अंतर्गत गरजु रुग्णांना मोफत आरोग्य तपासणी व औषधे देण्यात येतील. अशी माहीती प्रकल्प प्रमुख डाॕ.टेंभुर्णीकर यांनी माहीती दिली.
तत्पूर्वी कार्यक्रमात ह.भ.प.सुधाकर इंगळे महाराज म्हणाले की, जीवनात मनुष्य सुख शोधत आसतो ते दोनच प्रकारे प्राप्त करता एकतर भजनात तल्लीन होउन त्या प्रभुचे नामस्मरण करणे आणि दुसरे म्हणजे आपले आरोग्य चांगले ठेवणे मग दुःख जवळ फिरकणार देखील नाही.
याप्रसंगी रंगनाथ जोशी,उत्कर्ष वैद्य, डाॕ.धिरज बिहाणी, डाॕ .सारीका होमकर, सुधाकर कुलकर्णी, संगिता कोरे आदींची उपस्थिती होती. प्रारंभी ह.भ.प.सुधाकर महाराज यांचे पुष्पवृष्टी चे किर्तन ही झाले.
या शिबारामधे सुमारे ७० हून अधिक लाभार्थ्यांची तपासणी करून औषधोपचार करण्यात आले. याकार्यक्रमाचे सुञसंचलन बळीराम जांभळे यांनी केले. हा सोहळा पार पाडण्यासाठी आनिल शिंदे,आविराज जांभळे ,तुकाराम लोखंडे यांनी परीश्रम घेतले.