राष्ट्रवादी अजित पवार गटाचे प्रदेश उपाध्यक्ष व जिल्हा नियोजन समितीचे सदस्य किसन जाधव यांचे निमंत्रण…
ग्रामदैवत श्री शिवयोगी सिद्धरामेश्वर यांच्या योगदंडाचे प्रतीक नंदीध्वज, बाराबंदी, शेंगा पोळी, बाजरी आणि ज्वारीची भाकरी देऊन दिले क्रीडामंत्र्यांना निमंत्रण…
प्रतिनिधी / सोलापूर व्हिजन न्युज,
सोलापूर, दी. ११ जानेवारी
ग्रामदैवत शिवयोगी सिद्धरामेश्वर यात्रेत सहभागी होण्यासाठी राज्याचे क्रीडामंत्री दत्तात्रय भरणे यांना राष्ट्रवादी अजित पवार गटाचे प्रदेश उपाध्यक्ष व जिल्हा नियोजन समितीचे सदस्य किसन जाधव यांनी श्रीशिवयोगी सिद्धरामेश्वरांच्या यात्रेतील अक्षता सोहळ्यात सहभागी होण्यासाठी निमंत्रण दिले आहे. हे निमंत्रण देताना किसन जाधव यांनी योगदंडाचे प्रतीक नंदीध्वज, शेंगापोळी, बाजरी, ज्वारीची भाकरी आणि बाराबंदी पोशाख ग्रामदैवत श्री शिवयोगी सिद्धरामेश्वरांची प्रतिमा,शाल,फेटा आणि पुष्प हार घालून नूतन क्रीडामंत्री यांचा इच्छा भगवंताची मित्र परिवाराच्या वतीनं सत्कार करून मकर संक्रांतीच्या शुभेच्छा दिल्या. यावेळी बोला बोला एकदा भक्तलिंग हर्र… बोला… हर्र श्री शिवयोगी सिद्धरामेश्वर महाराज की जयघोष केला.
दरम्यान, सोलापूरचे ग्रामदैवत शिवयोगी सिद्धरामेश्वर हे समतेचे प्रतिक म्हणून ओळखले जातात बाराव्या शतकात महात्मा बसवेश्वरांबरोबर त्यांनी केलेले काम फार मोठे आहे सामाजिक समता आणि समरसता निर्माण करण्याची कामगिरी शिवयोगी सिद्धरामेश्वर यांनी बजावली आहे सोलापूरला पाणीटंचाई मुक्त करण्यासाठी सहा तलावांची निर्मिती, ६८ लिंगांची स्थापना, अष्टविनायक आणि काळभैरवाच्या मंदिराची निर्मिती देखील शिवयोगी सिद्धरामेश्वर यांनी केली आहे.
यात्रा कालावधीला अष्टविनायकांच्या दर्शनाने सुरुवात होते. त्यानंतर मानकरी यांना मान दिला जातो. सोमवारी सिद्धरामेश्वर मंदिर परिसरात असलेल्या संमती कट्ट्यावर अक्षता सोळहा पार पडतो हा सोहळा यात्रेचा मुख्य गाभा आहे अक्षता सोहळ्यासाठी महाराष्ट्रासह कर्नाटक, आंध्र प्रदेश, तेलंगणासह देशभरातील भाविक मोठ्या संख्येने उपस्थित असतात याशिवाय देश पातळीवरील दिग्गज नेते कलावंत हेही हजेरी लावतात यात्रा कालावधीत मानकरांसाठी बाराबंदी हा पांढरा शुभ्र पोशाख असतो तो पोशाख क्रीडामंत्री दत्तात्रय भरणे यांना किसन जाधव यांनी देऊन यात्रेत सहभागी होण्यासाठी निमंत्रण दिले आहे त्याबरोबरच अस्सल सोलापुरी खाद्य संस्कृती असलेली शेंगापोळी बाजरी ज्वारीची कडक भाकरी ही त्यांनी दिलेले आहेत. यावेळी क्रीडामंत्री दत्तात्रय भरणे यांनी उपस्थित इच्छा भगवंताची मित्र परिवाराच्या सदस्यांना तसेच सोलापूरकरांना मकर संक्रांतीच्या शुभेच्छा दिल्या.
याप्रसंगी राष्ट्रवादी इंदापूर तालुका अध्यक्ष हनुमंत कोकाटे, राष्ट्रवादीचे ज्येष्ठ नेते हेमंत चौधरी, माजी परिवहन समिती सभापती आनंद मुस्तारे, प्रदेश युवक सरचिटणीस चेतन नागेश गायकवाड, राष्ट्रवादी शहर उपाध्यक्ष किरण शिंदे, शहर सरचिटणीस अमोल जगताप, शहर संघटक माऊली जरग, शहर संघटक माणिक कांबळे, हुलगप्पा शासम, महादेव राठोड, दीपक आरगेल, आदींची प्रमुख उपस्थिती होती.