सिंधुदुर्ग घटनेवर भाजपचे शोक….. महाविकास आघाडीने महाराजांचे राजकारण करू नये – शहर अध्यक्ष नरेंद्र काळे
छत्रपती शिवाजी महाराज चौकात व्यक्त केला निषेध…..
प्रतिनिधी / सोलापूर व्हिजन न्युज
सोलापूर दि. १ सप्टेंबर – सिंधुदुर्ग मधील राजकोट किल्ल्यावरील छत्रपती शिवाजी महाराजांचा पुतळा कोसळल्यानंतर विरोधक आक्रमक झाले आहेत. याच घटनेवरून शहर भाजपने रविवारी भर पावसात छत्रपती शिवाजी महाराजांच्या अश्वारूढ पुतळ्यासमोर शोक व्यक्त करत महाविकास आघाडीच्या घाणेरड्या राजकरणा विरोधात आंदोलन केलं.
यावेळी छत्रपती शिवाजी महाराजांचा जयघोष करताना पुतळा कोसळण्यासाठी कारणीभूत असलेल्या संबंधित अधिकारी आणि ठेकेदार यांच्यावर कारवाई करण्याची मागणी करण्यात आली. यावेळी भाजपचे शहराध्यक्ष नरेंद्र काळे म्हणाले, पुतळा पडला म्हणून आम्ही येथे शोक व्यक्त करत असून दोषींवर कारवाई व्हावी ही आमची प्रमुख मागणी आहे, परंतु विरोधक या प्रकरणाला वेगळे वळण देऊन राजकारण करत असून महाराष्ट्रात अशांतता माजवण्याचा त्यांचा प्रयत्न करीत असल्याचा आरोप करत, अफजलखानाच्या उरुसाला विरोध न करणारे विशाल गडाच्या अतिक्रमणावर न बोलणाऱ्यांनी आम्हाला शिवभक्ती शिकू नये या अशा संवेदनशील प्रकरणावर राजकारण करता एकत्रित आलं पाहिजे असंही ते म्हणाले,
यावेळी राजकुमार पाटील, विशाल गायकवाड, श्रीकांत घाडगे, विजया वड्डेपल्ली, इंदिरा कुडक्याल, मंजुषा मुंडके, जय साळुंखे, राम मुटकीरी, श्रीनिवास करली यांच्यासह भाजपचे कार्यकर्ते उपस्थित होते
सोमनाथ राऊत यांनी भाजपला केला विरोध….
छत्रपती शिवाजी महाराज पुतळा परिसरात शोक व्यक्त करण्यासाठी आलेल्या भाजपच्या पदाधिकाऱ्यांविरोधात छावा संघटनेचे सोमनाथ राऊत यावेळी आक्रमक दिसून आले. त्यांनी भाजपच्या पदाधिकाऱ्यांना या घटनेवरून धारेवर धरले. त्यामुळे काही काळ ताणाव निर्माण झाला होता. छत्रपती शिवाजी महाराज यांच्या नावावरून राजकारण करू नये असा टोल देखील त्यांनी यावेळी भाजपच्या पदाधिकाऱ्यांना लगावला.