एका विजयामुळे खासदार प्रणिती शिंदे ह्या इतक्या गेल्या हुरळून : भाजपचे अध्यक्ष नरेंद्र काळे यांचे प्रत्युत्तर
हिंदू मतदारांनी भाजपाच्या उमेदवारास दिले भरभरून मताधिक्य , सल खासदार प्रणिती शिंदे यांना बोचते : याच कारणामुळे खा.प्रणिती शिंदे यांचे बेताल वक्तव्य : भाजप शहराध्यक्ष नरेंद्र काळे
सोलापूर व्हिजन :-सोलापूर लोकसभा निवडणुकीत विजयी झाल्यानंतर खासदार प्रणिती शिंदे यांच्याकडून संपूर्ण मतदारसंघात तालुका पातळीवर कृतज्ञता मेळावे आखले जात आहे. याच पार्श्वभूमीवर एक मेळावा शनिवारी दक्षिण सोलापूर विधानसभा क्षेत्रातील जुळे सोलापूर येथील जागगुंडी कार्यालयात आयोजित करण्यात आला होता . या मेळाव्याला संबोधित करताना लोकसभा निवडणुकीत भाजपाला सोलापूरात दंगल घडवून आणायची होती असा आरोप खासदार प्रणिती शिंदे यांनी केला होता. दरम्यान आता या आरोपाला भाजपाचे शहराध्यक्ष नरेंद्र काळे यांनी प्रत्युत्तर देताना खासदार प्रणिती शिंदे यांचे आरोप खोडून काढत, काळे यांनी खासदार प्रणिती शिंदे यांचा चांगलाच समाचार घेतला आहे. जातीय दंगल घडवून आणण्याचा डाव होता हे आपल्याला माहिती होतेचं, तर तशी तक्रार का केली नाही,आता असा कांगावा करण्यात काय अर्थ आहे.म्हणजे प्रचारा दरम्यान प्रणिती शिंदे यांना दंगल अपेक्षित होती का अस म्हणत नरेंद्र काळे यांनी प्रणिती शिंदे यांच्या पलटवार केला आहे. दरम्यान भाजपा ही अतिरेकी वृत्तीची आहे असा आरोप देखील खासदार प्रणिती शिंदे यांनी केला आहे यावर शहराध्यक्ष नरेंद्र काळे यांनी शिंदे यांना टोला लगावत लोकसभा निवडणुकीत हिंदू मतदारांनी भाजपाच्या उमेदवारास भरभरून मताधिक्य दिली, हि सल खासदार प्रणिती शिंदे यांना बोचती आहे, म्हणून तर असे बेताल वक्तव्य प्रणिती शिंदे ह्या करत असल्याची प्रतिक्रिया नरेंद्र काळे यांनी दिली. मागील तीन पराभवानंतर मिळालेल्या एका विजयामुळे खासदार प्रणिती शिंदे ह्या इतक्या हुरळून गेल्या आहेत की त्यांच्या नुसता अहंकार दिसून येत आहे. कदाचित याच कारणामुळे खा.प्रणिती शिंदे यांना पक्षातूनच विरोध होत असल्याची खंत व्यक्त करत नरेंद्र काळे यांनी स्थानिक काँग्रेस नेत्यांवर देखील सडकून टिका करताना म्हणाले.काँग्रेस आणि भाजपा नेत्यांच्या आरोप, प्रत्यारोपानंतर हा वाद, आता नक्की कुठपर्यंत जाणार, काँग्रेसचे नेते भाजपाच्या अध्यक्षांना काय उत्तर देणार, याकडे आता सर्वांचे लक्ष लागून राहिला आहे.