“अवैध पिस्टल” बाळगणाऱ्या सराईत गुन्हेगारांना ठोकल्या बेड्या ग्रामीण स्थानिक गुन्हे शाखेची दमदार कामगिरी  

आंतरजिल्हा घरफोडी “अवैध पिस्टल” बाळगणाऱ्या सराईत गुन्हेगारांना ठोकल्या बेड्या ग्रामीण स्थानिक गुन्हे शाखेची दमदार कामगिरी  

पुणे, सातारासह सोलापुर जिल्हयातील ०३ गुन्हे केले उघड जप्त केला ६ लाख २१ हजाराचा मुद्देमाल 

सोलापूर व्हिजन न्युज,

सोलापूर प्रतिनिधी

राज्यामध्ये विनापरवाना अवैधरित्या अग्निशस्त्र वापरून होत असलेल्या गुन्हयांच्या पार्श्वभूमीवर पोलीस अधीक्षक अतुल कुलकर्णी,अप्पर पोलीस अधिक्षक प्रितम यावलकर यांनी अवैधरित्या शस्त्र बाळगणाऱ्या व्यक्तींवर कारवाई करण्यासाठी स्थानिक गुन्हे शाखेचे पोलिस निरीक्षक संजय जगताप यांना सूचित केल्यानंतर स्थानिक गुन्हे शाखेच्या पोलीस अधिकारी अंमलदार पथकाने गुन्हे उघडकीस आणण्यासाठी तपास सुरू केला.

   गुन्हे शाखेच्या पथकाला (दि. ०९) ऑगस्ट रोजी तीन व्यक्ती देशी बनावटीचे पिस्टल बाळगून एका निळ्या रंगाचे स्कॉर्पीओ चारचाकी वाहन क्रमांक एम.एच १२ सी. वाय. ५०४१ या वाहनातुन कुंभारी येथून मौजे वळसंगकडे रवाना झाल्याची माहिती मिळाली असता, तपासाच्या टप्प्यावर गुन्हे शाखेच्या सहाय्यक निरीक्षक विशाल वायकर यांच्या पथकास सोलापुर ते वळसंग महामार्गावर कारवाईसाठी रवाना करण्यात आले. वळसंग हद्दीतील वळसंग वाडा होटेलच्या अलीकडे ५०० मीटर अंतरावर एक स्कॉपीओ वाहन उभे असल्याचे खात्रीशीर माहिती मिळाल्यानंतर सापळा रचुन संशयीत व्यक्तींना पोलिसांनी ताब्यात घेतले

    यावेळी त्याच्याकडून एक सिल्वर रंगाचे धातुचे देशी बनावटीचे ५० हजाराचे एक गावठी पिस्टल, एक जिवंत काडतुस, ५ लाखाची एका निळया रंगाचे स्कॉर्पीओ चारचाकी वाहन, १२ हजाराचा विवो व १० हजाराचा सॅमसंग कंपनीचे मोबाईल असा एकुण ५ लाख ७० हजाराचा मुद्देमाल जप्त करण्यात आला. संशयित आरोपीकडे अधिक चौकशी केली असता त्याने गावठी पिस्टल हे विक्री करण्यासाठी शहरात आणल्याची कबुली दिली. या तिघां व्यक्तीविरूध्द वळसंग पोलीस ठाणे गु.र.नं. ३७०/२०२५ भारतीय शस्त्र अधि. १९५९ कलम ३,७, २५ प्रमाणे गुन्हा दाखल करण्यात आला आहे.

    ही कामगिरी पोलीस अधीक्षक अतुल कुलकर्णी, अपर पोलीस अधीक्षक प्रितम यावलकर, उपविभागीय पोलीस अधिकारी अक्कलकोट विभाग विलास यामावार, वरिष्ठ पोलीस निरीक्षक संजय जगताप स्थानिक गुन्हे शाखा यांच्या मार्गदर्शनाखाली सहा. पोलीस निरीक्षक, विशाल वायकर, पोराई सुरज निंबाळकर, सहा. पोलीस निरीक्षक प्रकाश कारटकर, पोलीस हेडकॉन्स्टेबल सलीम बागवान, विजय भरले, विरेश कलशेट्टी, महिला पोलीस हेड कॉन्स्टेबल जाधव, पोलीस शिपाई बाळराजे घाडगे, सागर ढोरे-पाटील, अन्वर अत्तार, हरिष थोरात, राहुल दोरकर, समर्थ गाजरे, यश देवकते, योगेश जाधव, चालक दिलीप थोरात, सुनिल पवार तसेच वळसंग पोलीस ठाण्याचे सहाय्यक निरीक्षक  अनिल सनगल्ले, उपनिरीक्षक रविराज कांबळे, पोलीस कॉन्स्टेबल व्हनमोरे यांनी बजावली.

गुन्हे शाखेचे सहाय्यक निरीक्षक वायकर यांनी संशयित  आरोपींना विश्वासात घेवून अधिक चौकशी केली असता आरोपींनी त्यांच्या साथीदारासह वळसंग पोलीस ठाण्यात ह‌द्दीतील मौजे होटगी येथील सराफ दुकानाचे शेटर उचकटुन घरफोडी केल्याचे निष्पन्न झाले आहे. तसेच ही घरफोडी करताना वापरलेले स्कॉर्पीओ वाहन शिरवळ जि. सातारा येथुन चोरी केल्याचे व एक पांढ-या रंगाचे ईको कार उरळी कांचन येथुन चोरी केल्याचे निष्पन्न झाले आहे.

वळसंग पोलीस ठाणे गु.र.नं. ३७०/२०२५ भारतीय शस्त्र अधि. १९५९ कलम ३,७,२५ प्रमाणे दाखल तपासा दरम्यान अक्षयसिंग बिरूसिंग जुनी (वय२१) रा. बिराजदार नगर, हडपसर, पुणे याने त्याच्या साथीदारासह वळसंग पोलीस ठाणे गु.र.नं. ३६२/२०२५ बीएनएएस क.३३१ (४), ३०५ (अ) ३(५) गुन्हयाची कबुली देवून त्यातील गेला माल पैकी ४२७ ग्रॅम वजनाचे बाजारभावाप्रमाणे  ४९,१०५ किंमतीचे चांदीचे दागिने असा एकुण ६ लाख २१ हजाराचा  मुद्देमाल जप्त करण्यात स्थानिक गुन्हे शाखेच्या पथकाला यश आले आहे.