बाळे खंडोबा मंदिरात अण्णा बनसोडे यांनी विजयाचा भंडारा उधळला : तीन दिवसाच्या सोलापूर दौऱ्याचा देवदर्शनाने झाला समारोप
सोलापूर व्हिजन न्युज,
सोलापूर, दि.२९ नोव्हेंबर
आगामी सोलापूर महानगरपालिका निवडणुकीच्या पार्श्वभूमीवर विधानसभेचे उपाध्यक्ष तथा अजित पवार राष्ट्रवादी काँग्रेस पार्टीचे सोलापूरचे सहसंपर्क मंत्री अण्णा बनसोडे गुरुवारपासून तीन दिवस सोलापूर दौऱ्यावर होते. या तीन दिवसाच्या दौऱ्यात सोलापूर शहरातील मान्यवरांच्या भेटीगाठी, जाहीर सभा,आढावा बैठका, सदिच्छा भेटी, यासह व्यापारी आणि उद्योजकांना मार्गदर्शन आदी कार्यक्रम पार पडले. त्यानंतर त्यांनी शनिवारी अण्णा बनसोडे यांनी सोलापुरातील श्री सिद्धेश्वर मंदिर,शहाजहूरवली दर्गाह, श्री मार्कंडेय मंदिर, शेवट बाळे येथील श्री खंडोबा मंदिरात जाऊन देवदर्शन घेतले. सोलापुरातून तिसऱ्या दिवसाच्या दौऱ्याचा समारोप करताना बाळे येथे सोलापूर महानगरपालिकेच्या निवडणुकीचा विजयाचा भंडारा उधळला. येळकोट येळकोट जय मल्हारच्या जयघोषाने आसमंत दुमदुमून गेला होता.
दरम्यान, अण्णा बनसोडे यांचा या प्रभागाचे माजी नगरसेवक व राष्ट्रवादीचे प्रदेश उपाध्यक्ष आनंद चंदनशिवे आणि गणेश पुजारी यांनी भेटवस्तू देऊन सत्कार केला. तसेच खंडोबा मंदिराचा परिसर फिरून दाखवला. श्री खंडोबा देवस्थानासाठी विकासासाठी येणाऱ्या अडचणीबाबत चर्चा होऊन मंदिराच्या विकासासाठी सर्वतोपरी सहकार्य करण्याची ग्वाही अण्णा बनसोडे यांनी यावेळी बोलताना दिली. सोलापुरात गेल्या तीन दिवसापासून सुरू असलेल्या नेटक्या दौऱ्याचे नियोजन राष्ट्रवादीचे शहराध्यक्ष संतोष पवार,कार्याध्यक्ष जुबेर बागवान,प्रदेश उपाध्यक्ष किसन जाधव, आनंद चंदनशिवे, प्रदेश चिटणीस आनंद-मुस्तारे, ज्येष्ठ नेते तौफिक शेख, इरफान शेख, सुहास कदम, महिला आघाडीच्या अध्यक्षा संगीता जोगदनकर चित्रा कदम नूतन गायकवाड प्रमोद भोसले, शाम गांगर्डे, वैभव गंगणे यांच्यासह सर्व टीमने यशस्वीरित्या केल्यामुळे तीन दिवसाचा दौरा शतप्रतिशत यशस्वी झाल्याबद्दल सहसंपर्क मंत्री अण्णा बनसोडे यांनी सोलापूर शहर जिल्हा राष्ट्रवादी काँग्रेस पार्टीचे सर्व पदाधिकारी आणि कार्यकर्त्यांचे आभार मानले.