अक्कलकोट रोडवर अपघाताचा सिलसिला सुरूच…. खड्ड्यांमुळे पुन्हा एक युवक जखमी…..

अक्कलकोट रोड पाणी टाकी ते मार्केट यार्ड रस्त्यावर खड्ड्यांचे साम्राज्य : जड वाहनांनमुळे अपघाताला मिळते निमंत्रण : अपघाताची घटना ताजी असताना एक युवक पुन्हा एकदा जखमी….

सोलापूर व्हिजन – सोलापूर शहरातील अक्कलकोट रोड ते बोरामनी नाका ते मार्केट यार्ड या रस्त्यावर नेहमीच जड वाहतुक मोठ्या प्रमाणात असते. पावसामुळे मार्केट यार्ड ते बोरामणी नाका पाणी टाकी या रस्त्यावर मोठ मोठे खड्डे पडले आहे.या वाढत्या खड्ड्यांमुळे जड वाहतुकीमुळे या रस्त्यावर नेहमी अपघात होत असतात. यापूर्वी देखील अनेकांचे जीव गेले आहेत तर अनेक जण जखमी झाले आहेत. तरी देखील प्रशासनाला याबाबत कोणतीही ठोस उपाय योजना करता येत नाही अशी खंत व्यक्त केली जात आहे. दरम्यान काही दिवसांपूर्वीच  अक्कलकोट रोडवर भीषण अपघात होऊन यात सुनिल शिवाजी पवार, वय ४२ वर्षे, रा. गजानन शाळेजवळ, स्वागत नगर, सोलापूर यांचा जागीच मृत्यू झाला होता. सदरची घटना ताजी असतानाच  बोरामणी नाका ते अक्कलकोट रोड पाणीटाकी इथ दुचाकी वाहनाने येत असताना मोठ्या खड्ड्यात गाडी आदळून खाली पडल्याने एक तरुण जखमी झाला आहे. आकाश चंद्रकांत बनसोडे वय वर्ष 23 राहणार नितीन नगर अक्कलकोट रोड सोलापूर असे त्या जखमी झालेल्या तरुणाचे नाव आहे. अशी नोंद सिव्हींल पोलीस चौकीत झाली आहे.

सुदैवाने या अपघातामध्ये तरुणाचा जीव गेला नाही. मात्र या रस्त्यावरील मोठमोठे खड्डे तात्काळ बुजवण्यात यावेत जेणे करून अपघात होऊन एखाद्या निष्पाप जीवाचा बळी जाणार नाही. त्यामुळे प्रशासनाने याकडे गांभीर्याने लक्ष देण्याची गरज निर्माण झाली आहे. यापुढे खड्ड्यांमुळे अपघात होऊ नये याची प्रशासनाने काळजी घ्यावी अशी मागणी नागरिकांमधून केली जात आहे.

Leave a Reply

Your email address will not be published. Required fields are marked *